Diana - Van feëprinses tot tragiese ikoon

Magda Cronje

Aanbevole verkoopsprys :
R137.00

ISBN:
978-0-9814177-5-2

Algemene besonderhede:
200 bladsye
Biografie

bestel aanlyn of by www.kalahari.net

In hierdie eerste volwaardige Afrikaanse biografie van Diana, die prinses van Wallis, neem die skrywer jou op ’n intieme toer deur dié merkwaardige vrou se lewe. Jy ontmoet haar nie net as die prinses met die idilliese lewe nie – jy leer ken haar as ’n vrou:

· wat van haar kinderdae af gekonfronteer is met gebroke verhoudings
· wie se aanstaande die aand voor hulle troue in ’n ander vrou se bed deurgebring het
· wat geminag is deur haar man en sy adellike familie
· wat deur haar hele huwelik moes saamleef met haar man se liefde vir ’n ander vrou
· wie se intiemste gesprekke die media gehaal het
· wat deur haar minnaars verraai is, en
· wat moes veg vir haar kinders tydens ’n egskeiding.

Die skrywer verskaf nuwe en minder bekende feite oor Diana en belig diep-omstrede insidente in haar lewe. Die finale en opspraakwekkende ondersoek na haar dood wat in 2008 afgehandel is, word ook volledig gedek.

Diana: Van feëprinses tot tragiese ikoon is die verhaal van die liefling van die wêreld en die alleen-mens in haar paleis. Dit gee aangrypend weer hoe sy gepoog het om die Britse koningshuis meer menslik te maak sodat hulle kon identifiseer met die behoeftes van gewone mense. Dit is bowenal die verhaal van ’n vrou in haar liefde verlaat, maar wat self nooit opgehou het om liefde te gee nie.